Mohd Nazri Abdullah31st December, 2008 - Sabah Times ( Kadazan Dusun )
KOTA KINABALU: Soginumu’d o 110 mongingia’ ugama’ kitouliah maan pootodo’ kumaa watas di ogumu’ tulun mualaf montok hontolon mongingkawas korotian diolo’ kokomoi do Islam.
I Montiri id Koupisan Boyoon Montiri i Datuk Nasir Tun Sakaran, minoboros do i maan yolo’ pootodo’ kumaa poliliput Sabah lolobi no id watas ponong sokid montok momogonop do kopomogunaan monunuduk di koposonsog kopio do babaino’.
“Mongingia’ ugama’ diti maan pootodo’ do soiraira’ nopo sabab bohogian Koupiasn Ahal Ugama’ Islam Pogun Sabah (Jheains) mindad nopo do kolulusan mantad Suruhanjaya Kotorinaan Ginumuan (SPA) pogun.
“Mantad di 110 mongingia’ ugama’ dilo’, siam nopo nga’ siswazah naamot i nopo wokon nga’ okon ko’ siswazah,” ka disio.
Isio i po nogi’ montiri i kitionggungan kohondot do ahal kopogompit ugama’ Islam id pogun diti minoboros do mantad po nogi’ dilo’ do aanu manampung i kokurian mongingia’ ugama’ id Sabah.
Tadau Ko’onom di notoliban, monorina’ Tongo’ Ababayan Mualaf Sabah i Mohd Nazri Abdullah minokianu koporintaan papaatod lobi kogumu’ mongingia’ ugama’ d watas ogumu’ tobpinai wagu montok mangahak diolo’.
Tumanud di Mohd Nazri, kino’aisoon do mongingia’ ugama’ nokopogowit diolo’ i wagu nogi’ kosuang do Islam kologos do aiso’ kapangahakan.
Ka di Nasir, tongo’ mongingia’ ugama’ nokomoi poiyonon doid watas di momoguno kopio lobi kopogulu, pogulu pootodon id watas di atantu’.
Kokomoi do tongo’ kokompungan mualaf i kakal do aiso’ surau toi masjid, ka disio pinoposodia’ o koporintaan pogun do porutnukan montok momonsoi kagaganapan dilo’ maya’ do Bajet Sabah 2009.
“Id Bajet Sabah 2009 amu’ tokou linihuan montok poposodia’ kousinan montok pomonsoi do surau toi masjid montok di tinimungan mualaf. Mantad diti kalansanan do koporintaan osoibahan kobolingkahangan dilo’,” ka disio.
Kohondot di kobolingkahangan do mualaf id Sabah i kakal amu’ nakaramit do tusin zakat kaampai no yolo’ i kilinaid no do 20 poinsuang do islam, ka disio intangan do bohogian dau ahal dilo’.
Pinokianu disio i tongo’ tobpinai wagu i amu’ po nakaramit do zakat do sumuku’ doid Longkod Zakat montok mongintong di ngaran diolo’.
“Poingkuro po soriukon tokou po lobi kopogulu totondos dilo’ nung otopot om nunu kopio kobolingkahangan di potoguang.
“Amu’ tokou mimang do haro i monondos nga’ aiso’ kopointalangan montok monokodung di binoros diolo’,” ka isio.
Tiada ulasan:
Catat Ulasan
'SUDAHKAH ANDA SOLAT '
Kepentingan Menjaga Solat Hadith :
Rasulullah s.a.w bersabda yang maksudnya: “Sesungguhnya amal yang mula-mula sekali dihisab pada hari kiamat ialah sembahyang (solat) seseorang, jika sembahyangnya diterima maka sesungguhnya beruntunglah dan berjayalah ia, dan jika sembahyangnya tidak diterima maka kecewa dan rugilah ia. Sekiranya terkurang dari sembahyang fardhunya sesuatu, Allah berfirman:” Periksalah, adakah hamba-Ku itu mempunyai sembahyang-sembahyang sunat untuk dicukupkan dengannya apa yang terkurang dari sembahyang fardunya?” Demikianlah keadaan amal-amalnya yang lain. ”
Riwayat at-Tirmidzi